காலமாற்றம்

 மேகம் குளிர்ந்து மழையெனப் பெய்ய

தேகம் நடுங்குது குளிரும் காற்றில்

காலைப் பனியில் நனைந்த புல்வெளி

கால்களை நனைத்து தூய்மை செய்தது

குயிலின் குரலொலி விடியல் அறிவித்தது

வெயிலின் தாக்கம் வெகுவாய்க் குறைந்தது

காடுகள் மீண்டும் பசுமை பூண்டது

காதலர் நெருக்கம் கதகதப்பு ஊட்டியது

கதிரவன் வரவை கார்மேகம் மறைத்தது

கருக்கல் இருளைத் தழுவியே விடிந்தது

காலமாற்றம் கண்ணுக்கு இனிமை சேர்த்தது

காசுக்காய் இவையில்லை கடமையைச் செய்தது

இயற்கை தருமிவை இலவசம் ஆனது

இறையவன் படைத்தது என்பதும் உண்மையோ !