மனிதன் குரங்கிலிருந்து பிறந்தானா ஆண்டவன் படைத்தானா
மறுபிறவி எடுத்தானா மாண்டவன் மறுபடி பிறந்தானா
தோண்டிப் பார்க்க அகழ்வு ஆராய்ச்சி உண்டா
தோன்றிய நாளில் வர்ணங்கள் வகையறிதல் உண்டா
யாரிந்த உயர்வு தாழ்வு படைத்த பிரம்மா
வேரில்லா மரமாய் உயர்ந்தது யாராலே தெரியலியே
பாருக்குள்ளே பழைமையான நாகரிகம் எமதென்றே சொல்வோம்
ஊருக்குள்ளே மனிதனை மனிதனே வேற்றுமை காண்போம்
இரத்தத்தின் நிறம் சிவப்பே ஆறடி நிலமே
இறந்த பின்னாலே இருப்பதில்லை் சேர்த்த பணமும்
மதங்கள் சாதிகள் மனதின் கழிவுச் சாக்கடை
மனிதர்கள் சாக்கடை வீட்டிலே சங்கீதம் பாடினர்
நல்லவை என்றும் மனதில் பதிவதே இல்லை
அல்லவை தேய ஆயிரம் ஆண்டுகள் தேவையோ ?
கருத்துகள் இல்லை:
கருத்துரையிடுக