ஒன்றைச் சார்ந்து மற்றொன்று

 மலரோடு சேர்ந்த நார் மாலையாகும்

மனதோடு இணைந்த அன்பு காதலாகும்

நதியோடி கடலிலே கலந்து போகும்

நட்போடு நாமெலாம் ஒன்று சேர்வோம்

உடலோடு கலந்து உயிர் உருவாகும்

உணர்வோடு உறைந்து பாசம் தோன்றும்

பண்ணோடு கலந்து இசை உருவாகும்

பண்போடு ஒன்றாகி கருணை பிறக்கும்

கற்பனையோடு இணைந்து கவிதை முகிழ்க்கும்

கல்வியோடு கலந்து அறிவு வளரும்

ஈகையோடு உலகில் வறுமை ஒழியும்

ஈரமுள்ள மனதில் இரக்கம் தோன்றும்

பகைமை மறைந்து போர்கள் மறையும்

பசுமைப் போர்வை மழையால் விளையும்

ஒன்றைச் சார்ந்து மற்றொன்று என்பது

என்றும் தொடரும் சாத்திரம் ஆகும்