கூடி நின்னு கைதட்டி பாட்டுப் பாடி
ஆடி கூத்தாடி ஆட்டம் போட்டு நண்பா
கோடி கொடுத்தாலும் வாராது அந்த நாட்கள்
சோடி ஒண்ணு தேடி தெருத்தெருவா சுத்தி
வாடிய முகத்தோட தாடி வளர்த்த நாட்கள்
கல்லூரிச் சாலையில் மரத்து நிழலிலே அரட்டை அடிச்சு
கற்பனைக்கு எட்டாத கதைகள் பேசி கைகொட்டி
நகைத்த நகைப்பெல்லாம் நினைவுலே இருக்குதா நண்பா
புகைக்க கத்துகிட்ட கேன்டீன் வாசலுக்கு போவோமா
காப்பி வாங்க காசில்லாம ஆளுக்கொரு பங்கா
காசைச் சேத்ததுவும் ஞாபகம் இருக்கா உனக்கு
விவேகானந்தர் அரங்குலே உமா ரமணன் பாட்டுக்கு
விட்டாயே காத்தாடி நூலே அறுக்காம பறந்ததே
விளையாட்டு மைதானம் மெஸ் வாசல் கூடிநின்னு
வீண்பேச்சு பேசி் விலை கொடுத்து வம்புவாங்கி
வீரம் காட்டி கைகலப்பான அந்த நாட்கள்
படிக்க நேரமில்லே ஆனா சீட்டாட நேரமுண்டு
பகல் காட்சி பாக்க பட்டணத்து தியேட்டர்கள்
கட்டடிச்சு கும்மாளம் போட்டு பிட்டடிச்ச தேர்வு நாட்கள்
கலையாத பழைய நினைவுகள் திரும்பக் கிடைக்குமா ?
கருத்துகள் இல்லை:
கருத்துரையிடுக