வண்ணங்கள் ஆயிரம் உலகம் மிகப்பெரிது
எண்ணங்கள் நல்லவை எழுந்து புறப்படு
கடலாடும் நகரங்கள் பலப்பல காண்போம்
நடமாடும் நங்கையர் நளினமும் இரசிப்போம்
ஆறுகள் வளைந்து நாற்புறம் செல்லும்
ஆறுதல் மனதில் அதனழகு காண்பது
மலைகளின் பசுமை மலைக்க வைக்கும்
கலைஞனின் கற்பனை ஊற்றைத் தூண்டும்
இன்றே செய்க எதையும் இனிதாகும்
நன்றாய் நட்பே நமதுடன் வரட்டும்
எல்லைகள் கடந்து எங்கும் செல்வோம்
தொல்லைகள் மறந்து சிறுவர்கள் ஆவோம்
வாலிபம் இன்னும் வயதில் உள்ளது
வானத்தில் பறந்து பூமியைக் காண்போம்
இப்போது இல்லை் எனில் எப்போது
இணைந்து செல்வோம் உலாவி வருவோம் !
கருத்துகள் இல்லை:
கருத்துரையிடுக