நான் மனிதன் ஆடையற்றவன் பிறப்பிலும் இறப்பிலும்
சாயம் பூசுவேன் தினம் ஒரு வேடதாரி
மொழி பல பேசுவேன் உருவம் மாறி
ஆத்திகம் ஒருநாள் நாத்திகம் மறுநாள் என்று
ஆயினும் நான் மனிதன் இரத்தம் சிவப்பே
எதுவும் என்வசம் இல்லை என்பதே உண்மை
இன்று இருப்பவன் நாளை பிணம் ஆகலாம்
ஆணவம் இன்று ஏனோ எனக்கு குறைவில்லை
எனது மதம் மொழி மண் சாதி
பேசிக் கொண்டே இருப்பேன் ஓய மாட்டேன்
நான் பெரியவன் அவன் தாழ்ந்தவன் கூறுவேன்
சாயம் பூசிய வேடதாரி மேடையில் நாடகம்
அம்மணத்தில் மட்டுமே மனிதனாய் என் உருவம்
கருத்துகள் இல்லை:
கருத்துரையிடுக