சுதந்திரம் பெற்றது சிறப்புற வாழ்ந்திட
இதயங்கள் பலவும் இணைந்து பெற்றது
இரத்தம் சிந்திய உயிர்கள் பலவும்
இரந்து பெற்றது இல்லை அறிந்திடு
வீரமுழக்கம் வானைப் பிளந்தது நாடெங்கும்
வீறுகொண்ட மக்கள் வெள்ளம் வீதிகளில்
உத்தமத் தலைவர்கள் உழன்றனர் சிறைகளில்
சித்தமெலாம் சுதந்திரம் ஒன்றே ஓங்கியதன்று
ஒற்றுமை ஓங்கி தேசம் மிளிர்ந்தது
கற்றது இதனால் ஒன்றே குலமென
இந்திய நாடெனப் போற்றிய நாட்களாய்
இமயம் முதலாய் குமரி வரையில்
வங்கம் முதலாய் அரபிக்கடல் வரையில்
பரந்து விரிந்த நாடெனப் போற்றிய
பாரதம் தோன்றிய வரலாறு ஆனது
பெற்ற சுதந்திரம் பேணிக் காப்போம்
உற்ற நண்பராய் அணைத்துச் செல்வோம்
சாதிகள் இல்லையென உரக்கச் சொல்வோம்
வீதிகள் தோறும் உறவினர் என்போம்
கருத்துகள் இல்லை:
கருத்துரையிடுக