பாட்டுக்குப் பாட்டெடுத்து பாடுவது நன்றே
நாட்டுக்கு நல்லதொன்று நாள் தோறும் தேடி நின்றே
ஏட்டுக்கு உதவுமிந்த இனிய கவிதைமழை
ஏனோ இறைவன் சோதனை நீள்கிறது
என்றோ தொடங்கி ஓயாமல் தொடர்கிறது
எல்லை இல்லாத தூரம் வரை
மனித நேயமொன்றே மக்களைக் காக்கிறது
புனித உள்ளங்கள் வெள்ளை உடையினிலே
உறவை நினைக்க கொடுத்த வரமாய்
உயிரின் உயர்வை உணர்த்தும் விதமாய்
வீட்டுச் சிறைக்குள் நாட்கள் மாதங்களாய்
கட்டுப் பட்டு கணக்குப் போட்டு
நல்ல நேரம் வருமென்ற நினைவில்
நாமும் காத்திருப்போம் நண்பரே உறவினரே!
கருத்துகள் இல்லை:
கருத்துரையிடுக