வாழ்ந்த காலம்

 கொட்டும் மழையில் கைநனைத்த காலமது

கொஞ்சும் தாயவள் மடிமீது தலைவைத்து

பாரதக் கதைகள் செவிகளில் சேரும்

மரமதில் ஏறி மாங்காய் புளியோடு

மனதினில் மகிழ்வாய் நண்பர் குழுவோடு

திருடனாய் காவலனாய் ஒளிந்த காலமது

பட்டம் விட்டு பம்பரம் சுழற்றி

கட்டம் போட்டு சொக்கட்டான் ஆடி

தோழியரோடு கல்லும் பரமபதமும் விளையாடி

தோழரோடு இரவுக்காட்சி களித்த காலம்

சிறுவனாய் வாழ்ந்த காலம் நெஞ்சிலே

சிறகை விரித்து பறந்து போனது