கண்ணிலொரு காந்தமுண்டு பெண்டிருக்கு என்றொரு மொழியுண்டு
விண்ணிலொரு தாரகைக்கு ஒப்பிட்டு பாடியதும் கவிஞர்தாமே
எண்ணிலடங்கா காவியங்கள் பெண்மை போற்றும் இன்றளவும்
பண்ணிசைத்துப் பாடுவதும் பரதங்கள் ஆடுவதும் நளினமொழியே
கண்ணசைவில் மன்னரெலாம் மயங்கிப் போயினர் வரலாறுகூறும்
நுண்ணுயிரும் பெண்ணினமே அழகென்று பறைசாற்றும் நூல்களெல்லாம்
எண்ணியது நாட்களெலாம் அவளழகை ஆண்மனது அடையவேண்டி
கண்ணியமாய் அவளருகே அடங்கிப் போகின்ற ஆண்மையது
விண்ணகமோ வானகமோ நிலவோ மலரோ குளிரோடையோ
பண்டைய நாள்முதலே பாட்டினிலே பெண்ணினத்தை குறித்தேயுண்டு
பண்புக்கு அன்புக்கு கருணைக்கு காதலுக்கு தாய்மைக்கு
பெண்மைக்கு ஈடில்லை என்பதிலே இருவேறு கருத்துண்டோ ?
கருத்துகள் இல்லை:
கருத்துரையிடுக