எதைத்தான் எழுதுவதோ எண்ணிப் பார்க்கிறேன்
வதைத்த ஆங்கிலேயரா வர்ணங்கள் ஆயிரமா
சிதைக்குத் தீவைத்து உடன்கட்டை ஏறியதையா
சிறைக்குச் சென்ற தலைவர்கள் பற்றியா
வாக்குரிமை குடியுரிமை சட்டங்கள் கொடுத்தவரா
திக்கெட்டும் கல்விச்சாலை தொழிற்சாலை திறந்ததையா
கற்பிக்க பள்ளிகள் பலவும் கட்டியதையா
வெற்று வயிற்றுக்கு உணவும் தந்ததையா
குட்டக் குனியாத சமுதாய மாற்றமா
கும்பிட்டே வாழ்ந்த கூனர் நிமிர்ந்ததையா
பெண்களும் கல்விகற்க வாக்களிக்க வகைசெய்ததா
பெரிதாய் மாற்றங்கள் செய்தவர் அவரல்லவா
வாய்க்கூசா பொய்பேசி வந்தவழி மறந்தவரே
வாய்பேச உரிமையே அவர்தந்த சட்டங்கள்
நீதியை விலைபேசி நெருப்பில் போடாதீர்
நீவிரும் நெருப்பில் அழிந்தே சாம்பலாவீர் !
கருத்துகள் இல்லை:
கருத்துரையிடுக