புறப்படு நண்பா பயணம் செய்வோம்
சிறப்பொடு வாழ்வு தேடிச் செல்வோம்
கடலென ஏரிநீரில் குளியல் முடிப்போம்
கடைத்தெரு சென்று காய்கறி கொணர்வோம்
மண்பானை கொண்டு உணவு சமைப்போம்
கண்மாயில் கால்நீட்டி கதைகள் பேசுவோம்
தாவணி அணிந்த தோழி வரட்டும்
தாயம் ஆடிட அவளும் சேரட்டும்
ஆட்டு மந்தை கொட்டடி சேர்ப்போம்
பாட்டுக் கட்டி நடனம் ஆடுவோம்
கயிற்றுக் கட்டிலில் உறக்கம் கொள்வோம்
களத்து மேட்டில் சிலம்பம் கற்போம்
தென்னை இளநீர் வெட்டிப் பருகுவோம்
தெருக்கூத்து மேடையில் வேடம் போடுவோம்
பசுமை வயல்களில் வலம் வருவோம்
பசுவின் பாலைக் கறந்து வருவோம்
மாசற்ற காலத்தை மறுபடி உணர்வோம்
காசுக்காய் அலையும் வாழ்வைத் துறப்போம்
கருத்துகள் இல்லை:
கருத்துரையிடுக