மறுபிறவி வேண்டாமெனச் சொல்வது ஏனோ
மகிழ்வான வாழ்வை மீண்டும் வாழலாமே
துன்புற்றேன் என்பதாலே இன்பமிலை என்பதில்லை
இருள் விலகும் ஒளி பெருகும்
பெரும் புயலும் கரை சேரும்
பிறவிக் கடல் நீந்த துடுப்பாய்
பித்தம் போக்க நல் மருந்தாய்
இறையைத் தேடி பயணிக்கும் உள்ளம்
நல்லவை அல்லவை சேர்ந்தே உலகு
எல்லைகள் எதற்கும் உண்டெனச் சொல்வோம்
வேற்றுமை பேதங்கள் விலக்கிட விழைவோம்
ஒற்றுமை வேண்டி வேள்விகள் செய்வோம்
கற்றது எதனால் கசடுகள் அறிய
சுற்றமும் நட்பும் சுகமாய் வாழட்டும்
நல்லதோர் வீணையின் நாதம் பெருகட்டும்
நல்லவர் பெருகி நானிலம் செழிக்கட்டும்
சொல்லிலே செயலிலே உண்மை நிலவட்டும்
சொந்த மண்ணொரு சொர்க்கம் ஆகட்டும் !
கருத்துகள் இல்லை:
கருத்துரையிடுக