பாப்பாவுக்கு ஒரு பாட்டு சொல்வோமா
பாரதி பாட்டு படிக்கச் சொல்வோமா
ஓடி விளையாடு ஓயாதே என்போமா
கூடி விளையாடு நல்லவை உரைப்போமா
மழலை மாறாத மொழிதனைக் கேட்போமா
மகளுக்கு மகளோ மகனுக்கு மகனோ
பேரனோ பேத்தியோ கொஞ்சி விளையாட
தத்தி நடைபோட்டு சுத்தி வருவாளே
புத்தி குறும்பு குறுநடை குதூகலம்
சத்தம் பலவாய் எழுப்பி அழைப்பானே
முத்தம் கேட்டாளே பச்சென்று கன்னத்தில்
மொத்த உலகமே அவளிடத்தில் காண்கிறதே
சுத்தி வருவோம் முதுகில் அமர்ந்திடு
முதுமை அறிவதில்லை அருகில்நீ இருப்பதனால்
வெறுமை போக்கும் தேவதையாய் என்னருகே
கருத்துகள் இல்லை:
கருத்துரையிடுக