ஆரடிச்சு நீ அழறே பாப்பா
ஆகாது உன் கண்ணுலே கண்ணீர்
ஆகாசம் பாத்தியா ஆயிரம் நட்சத்திரம்
ஆயாவும் வடசுடும் நிலாவப் பாரு
ஆத்தாவும் அப்பனும் தூங்காம இருக்காக
தாத்தாவும் பாட்டியும் ஏனழறான்னு கேக்காக
சமத்தா தூங்குவியா செல்லமே தங்கமே
தொட்டில் வேணாமா தோள்மேலே உறங்கணுமா
கட்டிலும் வேணாமா கட்டித் தங்கமே
நீயழும் நேரமெல்லாம் தாயழறா பாக்கலியா
நீசிரிச்சு பாக்கணுமே அப்பனும் ஆத்தாளும்
அழுதது போதும் கண்ணே அமைதியாகு
அம்மா மடியிலே கண்மூடி உறங்கு
கருத்துகள் இல்லை:
கருத்துரையிடுக