அவரவர் வினையை அவரவர் செய்வது நலமே
அவசர உலகின் ஆணிவேர் கடமை ஆற்றலே
செவ்வனே செய்த செயலின் தீர்ப்பு விரைவில்
செம்புலப் பெயல் நீராய் நட்பு தொடரும்
பருவத்தே மழை பெய்யும் வளம் கூட்டும்
சுட்டாலும் கதிரோன் உயிர் காப்பான் தினமும்
நாட்டினர் நலம் வாழவே தலைவன் வருவான்
கூட்டுப் பறவை இரைதேடி குஞ்சுக்காய் பறக்கும்
வேட்டுச் சத்தம் தொலை தூரத்தே முழங்கும்
மாற்றம் வரும் மனிதம் தழைத்து நிமிரும்
கூற்றுவன் புரவி ஏறிப் புறப்பட்டு விட்டான்
உண்மை என்றும் உயர்ந்து நிற்கும் ஒருநாளில்
பொய்மை பொசுங்கிச் சாம்பலாய் மறைந்து போகும்
கருத்துகள் இல்லை:
கருத்துரையிடுக