பலவித ஆறுகள் ஒன்றாய்க் கலக்கும் நட்புக் கடல்
பற்பல கொள்கைகள் கொண்டே வளரும் பேதங்கள் இல்லை
காட்டாறு கிளையாறு சின்னாறு பெரியாறு எல்லாமும் உண்டு
காட்டமாய் கோபமாய் இனிதாய் இளக்காரமாய் பேசுவது இயல்பு
எதையும் மறந்தே கூடியே வாழ்தல் இவரது பண்பு
மனதில் மகிழ்வு கூச்சல் ஆரவாரம் அனைத்தும் உண்டு
சினமது சிலநொடியே சிரித்து மகிழ்ந்திட காரணம் தேவையில்லை
துன்பம் ஒன்று வந்திட துணையென கூடவே தொடரும்
இன்பம் நிறைந்த நாட்கள் இதயம் முழுதும் நிறையும்
உறவினில் உயர்ந்தது என்பர் உயிரான நட்பென்ற கூற்று
பிறவிப் பயனும் உயர்வே இணைந்தே வருகின்ற தொடர்பாய் !
கருத்துகள் இல்லை:
கருத்துரையிடுக