முதுமை

 ஓடிய கால்கள் நிற்பதில்லை என்றும்

ஓய்வது மனதா உடலா வினா

தேயும் நிலா மறுபடி முழுதாய்

தேகம் என்பதோ தளரும் சுருங்கும்

வேகம் குறைந்து தளரும் நடையும்

மேகம் மறைத்த நிலவின் ஒளிபோல்

பார்வை குறைந்து கண்கள் மங்கும்

போர்வை தேடும் தேகம் நடுங்கும்

காட்சிகள் பலவும் கண்முன் ஓடும்

காலங்கள் சுழன்று கற்பனை உலகில்

மாறும் பருவம் மழலை திரும்பும்

மானிடம் மறையும் மறுபடி தோன்றும்

முதுமை என்பது முடிவுரை ஆகும்

பதுமை ஒன்று வாசலில் நிற்கும்