சொக்க வைக்கும் அழகு
சொக்கட்டான் ஆடும் நளினம்
கண்ணசைவு புன்னகை பதுமை
கள்ளப் பார்வை கருவிழி
என்னவள் அவளோ ஐயம்
சொற்கள் தேனமுதாய் செவியில்
பற்கள் முத்தின் வெண்மை
கொலுசுச் சத்தம் மெல்லியதாய்
கொலுவில் பொம்மை இவளோ
நீண்ட கூந்தலில் வெண்மல்லி
நீள்கழுத்து தங்கச் சங்கிலி
இடுப்பு ஒட்டியாணம் மெல்லியதாய்
இடையோ ஒடிவது போல்
கைவளை குலுங்கும் சத்தம்
கைவிரல்கள் என்முகம் தழுவ
கண்விழித்த போதினிலே கனவாய்
கலைந்து போனாளே கள்ளி !
கருத்துகள் இல்லை:
கருத்துரையிடுக