உழைப்பாளி என்பவன் யார் வினவினேன்
காடு மேடெல்லாம் நடந்து விறகொடிப்பவனா
கழனியில் ஏரோட்டி விளைவிக்கும் விவசாயியா
பாலைவன மணலில் பரிதவிக்கும் பாமரனா
தெருவெங்கும் நடந்து குப்பை அகற்றுபவனா
ஊரூராய்ச் சுற்றும் வணிகப் பெருமானா
தெருவோரக் கடைகளில் கூவும் மூதாட்டியா
தலையில் சுமந்து நடந்து தேய்பவனா
அலுவலக அறையில் சொகுசான அதிகாரியா
அடுப்பறை சூட்டில் அயராத அவளா
குளுகுளு அறையில் விட்டம் நோக்குபவனா
கடலின் ஆழத்தே முத்துக் குளிப்பவனா
மீன்பிடி படகில் காததூரம் செல்பவனா
உலகம் சுழல உயிர்கள் சுழல
உய்த்திருக்க உழைக்கும் எவரும் தொழிலாளியே
இன்றென்ன என்றென்றும் அவர் தினமே
அவர் அசைந்தாலே உலகும் அசையும்
கருத்துகள் இல்லை:
கருத்துரையிடுக