எனக்கொரு அழகிய காதலி இருக்கின்றாள்
தனக்கென வாழாத தியாக மனம்
பசுமை உள்ளம் பரந்த மனது
பகைமை பாராட்டா உயர்ந்த பெண்மை
எங்கே சென்றாலும் என்னோடு அவளும்
மழைநீர் என்றால் மட்டற்ற மகிழ்ச்சி
மழலை போன்றே நனைந்து கொண்டாட்டம்
சிகரங்கள் தோறும் பயணித்து வருவாள்
சில்லென்ற காற்றில் சிலிர்த்துப் போவாள்
பனிக்கட்டி என்றாலே பயந்து போவாள்
தனியே தூரநின்று இரசிப்பது மட்டுமே
கனவிலே கண்களில் மறையாது நிற்பாள்
கன்னியவள் இன்றி வாழ்தலே அரிது
இயற்கைப் பெண்ணே இன்றும் உன்னுடன்
இணைந்து அமர்ந்து கவிபாடி மகிழ்ந்தேன்
கருத்துகள் இல்லை:
கருத்துரையிடுக