காத்து வாக்குல வந்த நட்பு
நேத்து போலவே இருக்கு காட்சி
பீச்சு மணல் கதைகள் பலவும்
பச்ச புல்வெளி மாடிப் படிகள்
ஓடிப் பிடிச்ச திருடன் போலீஸ்
தேடிப் போகலே தானாய் வந்தது
டீக்கடை வாசல் திண்ணை வாசம்
போக்கிய நேரங்கள் எண்ணில் அடங்கா
கோபம் சண்டை மறுபடி அமைதி
லாபம் நோக்கா நாட்கள் அவையே
குழப்பம் இல்லை குற்றம் இல்லை
வழக்கில் இருந்த வாஞ்சை மனதில்
உறவுகள் வளரும் உண்மை அன்பும்
உனது வீடு எனது போலவே
சுகமாய் தூங்கிய இரவுகள் பலவும்
சுற்றிய இடங்கள் எண்ணில் அடங்கா
காலச் சக்கரம் எத்தனை வேகம்
கால்கள் ஓய்ந்த தருணம் இப்போது
திரையில் காட்சிகள் காவியம் போலவே
நரைத்த முடிகள் அனுபவ சான்றாய்
அசை போடும் மனதில் அனைத்தும்
அலை அலையாய் வந்து போகும்
கருத்துகள் இல்லை:
கருத்துரையிடுக