பாட்டுக்குப் பொருள் யாரே அறிவர்
விட்டில் பூச்சிகள் விளக்கில் எரிவதுவோ
சட்டியில் இருப்பது அகப்பையில் வருமாம்
சட்டம் போட்டவர் சதிசெயல் ஆகுமோ
முட்டாள் மனிதரா முடிசூடிய மன்னனா
கொட்டம் அடிக்குது கும்பல் ஒன்று
கோட்டான்கள் வேதம் ஓதும் அவலம்
பட்டியல் இட்டது அனைத்தும் பொய்யே
வட்டியும் முதலாய் வருமோ பின்னாளில்
ஆட்டம் அதிகம் ஆரவாரம் வான்வரை
வட்டம் ஒன்றில் ஊர்வலம் போகுது
கொட்டக் கொட்ட குனிவது தொடருமோ
சொட்டும் தேனுக்கா சொக்கிப் போவது
கட்டுத் தறியில் காளைகள் திமிருது
வெட்டிப் பேச்சுகள் வெந்து போகும்
பட்டுப் போகும் வேரில்லா மரமும்
கருத்துகள் இல்லை:
கருத்துரையிடுக