புள்ளி வைத்துப் போனவளே
கோலம் போட வருவாயா
வாசல் விட்டுப் போனவளே
வாசம் எங்கே இப்போது
காதல் பேச்சு மறந்தாயோ
கரும்புத் தோட்டம் கருகிடுச்சு
கருத்த மேகம் சூழ்ந்துடுச்சு
விரும்பிய உன்னைக் காணாம
களத்து மேட்டில் யாருமில்ல
கயித்துக் கட்டிலும் அப்படியே
கொலுசுச் சத்தம் என்னாச்சு
கைவளை குலுங்கி நாளாச்சு
சிரிச்சுப் பேசும் சிங்காரி
சின்னப் பற்கள் காணோமே
வருஷம் பலவும் போயாச்சு
வாலிப வயசும் கடந்தாச்சு
சிறுக்கி மவ ஞாபகமே
சிந்தனை விட்டுப் போகலியே !
கருத்துகள் இல்லை:
கருத்துரையிடுக