மெல்லத் தவழ்ந்த கால்கள்
மெதுவாகப் பேசும் மழலை
சொல்லத் தெரியா சொற்கள்
சொக்க வைக்கும் அழகு
கள்ளம் இல்லா சிரிப்பு
உருவம் சிறிதே உனக்கு
உருட்டிப் பார்க்கும் கண்கள்
கட்டிப் பிடித்தே அணைத்து
கன்னத்தில் உனக்கொரு முத்தம்
எட்டப் போகாதே அருகிரு
புட்டிப் பாலும் வேண்டாம்
சுட்டிப் பயலே சிரித்திரு
சுற்றிப் போடணும் திருஷ்டி
கன்னல் சுவையாம் வார்த்தை
மின்னல் போலொரு பார்வை
செல்லப் பாப்பா நீயே
மெல்ல அடியடுத்து அருகேவா !
கருத்துகள் இல்லை:
கருத்துரையிடுக