ஏதோ அவல் வேண்டும் அசைபோட
தீதோ நன்றோ பிறர் தர வாரா
உண்மை தானே சொன்னது சரிதானே
உலகம் போகிற போக்கும் அதுதானே
கசடுகள் மிதக்கிற பானை விளிம்புகள்
இனிய உளவாக இன்னாத கூறல்
கனி இருக்க காய் தேடியே
சொல்லில் செயலில் எங்கும் வன்மம்
பல்லில் நாக்கு படாத சொற்கள்
மனிதம் மறைந்து மதங்கள் ஓங்கியே
புனிதம் இதுவா கேள்வி பதிலில்லை
விடியல் மேகக் கூட்டத்தில் இருளாய்
கடின வாழ்க்கை கசந்து போனது
புதிய உலகம் பழையது் நோக்கி
ஓதியது வேதாளம் சாத்திரம் ஒன்றை
மாற்றம் நல்லதாய் மனிதனை வாழ்விக்க
சீற்றம் கொண்ட புயலாய் உருவாகி
நல்லதோர் உலகம் மீளுமா விரைவில்
வல்லவர் எவரோ விடை சொல்வீரா ?
கருத்துகள் இல்லை:
கருத்துரையிடுக