தூரத்தே தெரியுது தென்னந் தோப்பு
பாரத்த சுமந்த தோள்கள் சொல்ல
மலைப் பாதையில் பல மைல்கள்
சாலைகள் இல்லாத காலத்தே கால்நடையா
அப்பா ஊருக்கு ஆண்டுக்கு ஒருமுறை
ஓட்டேரி தாண்டினா ஊருண்ணு பொய்யும்
கட்டிய மாட்டு வண்டி மட்டுமே
ஊரு விட்டு ஊரு செல்லும்
கலப்பை பிடிச்சு உழ தடுமாற
களத்து மேட்டுல நிண்ணு வேடிக்கை
சாயங்கால வேளையில் கலக்கல் குடிக்க
சாரை சாரையா போறதும் வேடிக்கை
கடலை வறுத்து ஈசல் கலந்து
உடனும் சேர்த்தே உள்ளே போகும்
வகை வகையாய் காய்களோடு நெல்லும்
வயல் ஓரம் பனை மரங்கள்
களியும் கூழும் கடலை மோரும்
கலந்தே தினம் தினமும் சுவையா
நெல் குத்தி அரிசியாகி சோறும்
நெடுந் தேக்கு இலையில் சாப்பாடும்
மாமன் வீடு பங்காளி வீடு
மாறி மாறி விளையாடிக் களைச்சி
வானம் பாத்த பாயிலே படுத்து
வாதம் செஞ்ச நாட்கள் அருமை
போனதே மறுபடி வருமா திரும்ப
ஏனப்பா உன்னத் தான் கேக்கறேன்
வாலிபம் மறஞ்சு வயசானா இப்படித்தான்
வாடிக்கை பழச பேசியே தினமும்
கருத்துகள் இல்லை:
கருத்துரையிடுக