உயர்வு தாழ்வு சொல்லும் வேதமெதுவும் ஏற்புடையதல்ல
உண்மை எதுவெனில் அனைவரும் சமமே
மதங்கள் வேறாக இருப்பினும் நன்றே
மனிதம் மட்டுமே மனதினில் வேண்டும்
குலத்தொழில் என்பதெலாம் கயவர்கள் கற்பனை
பெண்களை அடிமை என்பவர் எவரோ
கண்களாய் தாய்மையாய் தாங்குபவர் அவரே
எதிலும் சமநிலை வேண்டும் மனிதா
எத்தனாய் வேற்றுமை பாராட்டி மாயாதே
கற்றதும் கேட்பதும் நல்லறிவாய் இருக்கட்டும்
பெற்ற கல்வியை மறந்து பேசாதே
விட்டில் பூச்சியாய் நெருப்பில் பொசுங்காதே
விட்டுவிடு புறம் பேசுதல் வேண்டாம் !
கருத்துகள் இல்லை:
கருத்துரையிடுக