ஞாலத்தின் விழுதுகளை நட்டது யாரோ
காலத்தின் வட்டங்களை கடத்துவது யாரோ
சோதனைகள் பலவற்றை கொட்டுவதும் யாரோ
வேதனைகள் உள்ளத்தில் விதைப்பதும் யாரோ
பேதங்கள் என்றென்றும் தொடர்வது யாராலோ
சொந்தங்கள் நிரந்தரம் இல்லாதது யாராலோ
பந்தங்கள் துறந்து துறவறம் யாராலோ
இனியவை மறந்து தீயவைகொள்ளல் எவராலோ
இன்னலைத் தழுவியே வாழுதல் எவராலோ
சொல்வதும் செய்வதும் மாறுதல் எதனாலோ
சொல்லாத சொல்லுக்கு விளைவுகள் உண்டாமோ
கேள்விகள் தொடர்ந்திடும் வாழும் நாளெலாம்
விடைகள் தேடியே விரைந்திடும் நாட்களும்
கருத்துகள் இல்லை:
கருத்துரையிடுக