கருக்கலிலே எழுந்து வாடாநண்பா போகலாம்
கடற்கரைலே காலாற நடந்து வருவோம்
கதைபேசி எத்தனை நாளாச்சு நண்பா
கடமைலே மூழ்கியே நாட்கள் ஓடிப்போச்சு
உடமைகள் இருந்தும் மனசுலே வேதனை
ஊர்க்கதை வேணாம் நம்கதை பேசுவோம்
கால்கடுக்க நடந்த கதைகள் பலவும்
காதலித்த நாட்கள் பற்றிப் பலவும்
ஊர்சுற்றி உலகம் சுற்றிய கதைகள்
ஊஞ்சலிலே ஆடிய சிறுவயது மகிழ்ச்சி
ஏரிக்கரை குளக்கரை ஆத்துமணல் கடற்கரை
ஏறிய மரக்கிளை இறங்கிய கிணறு
எத்தனை உண்டுபேச எழுந்துவா விரைந்து
எஞ்சிய நாட்களிலே பேசிக் களிப்போம்
கோலூன்றி நடக்குமுன்னே காலூன்றி வாநண்பா
கோடிகதைகள் வச்சிருக்கேன் சொல்ல விரைவில்வா !
கருத்துகள் இல்லை:
கருத்துரையிடுக