என்னைத் தந்தவளே எங்கேநீ சென்றாயோ
உன்னைத் தேடிநிதம் ஊரெல்லாம் சுற்றிவந்தேன்
தன்னந் தனியானேன் தவிக்கவிட்டுப் போனாயே
பின்னமொரு பிறவியுண்டேல் பிள்ளையாய் மீண்டுமாவேன்
கன்னத்தில் கண்ணீரோடு காலம்பல போச்சு
உன்னைப் போலொரு தாயவளைக் காண்பேனோ
என்னவெலாம் அனுபவித்து எனைவிட்டுச் சென்றாயே
அன்னையென அழைக்க யாருமில்லை இன்று
அன்னையர் தினமாம் ஆண்டொரு நாளாம்
என்ன கொடுமையிது ஒருநாள் மட்டுமா
என்னில் உறைந்தவளே எனது தெய்வமே
என்றென்றும் உன்நினைவே காத்திடும் கடவுள்நீ !
கருத்துகள் இல்லை:
கருத்துரையிடுக