தலைப்பைத் தேடுகிறேன்

தலை சரியில்லை எனில் உடல் முற்றிலும் கோணலாகும் விலை கொடு்த்தாவது தலையைச் சரி செய்து விடுவோம் தலைப்பை தலைப் பாகையில் தேடிப் பார்க்க இயலுமா வலைப்பை சென்றால் ஆயிரம் காணலாம் அல்லவா நண்பா தொலைத்த சிந்தனை தொடர்ந்த குழப்பம் கலங்கிய மனது கலைத்துப் போட்ட கற்பனைச் சிதறல் கவிதை எங்கே ஓடிய கால்கள் ஓய்ந்த போதும் கற்பனை ஊறும் தேடிய சொற்கள் ஊற்று நீர் போல சுரக்கும் பாடிய வாய்க்கு பாங்காய் வரிகள் வந்து நிற்கும் வாடிய பயிருக்கு வாய்க் கால் நீராய் என்றும் நொடியதில் தோன்றும் சிந்தனைச் சிதறல் அருவி போலாகும் கடியது எனினும் கருத்தைக் கொட்டி. சாடி நிற்கும் விடியலில் தோன்றும் ஆதவன் ஒளியில் இருளும் போகும் துடிக்கும் இதயம் காதல் உணர்வில் கசிந்து வடியும் வடிவம் கொள்வதில் சிற்பியின் எண்ணம் போன்றே இதுவும் தலைப்பைத் தேடியே ஆயிரம் பாக்கள் ஆனந்தம் கொள்ளும் மலைப்பாய் தோன்றும் ஒவ்வொரு பாடலும் கவிஞர் வரிகளில் எங்கிருந்தோ வந்ததோ இத்தனை அழகாய் எண்ணத் தோன்றும் எத்தனை வேண்டும் தருகிறேன் என்றே தமிழே சொல்லும்