வாரீயளா?

ஏர் உழ நான் போறேன் ஏத்தம் இறைக்க வாரீயளா ? நாத்து நட நான் போறேன் சேத்த கலக்க வாரீயளா? களை யெடுக்க நான் போறேன் உரம் போட வாரீயளா? கதிர் அறுக்க நான் போறேன் கட்டு கட்ட வாரீயளா? கதிர் அடிக்க நான் போறேன் நெல் குமிக்க வாரீயளா? வைக்கோல் கட்ட தூக்கப் போறேன் தூக்கி விட வாரீயளா? நெல் மூட்டை அடுக்கப் போறேன் கூடமாட உதவ வாரீயளா? மாட்டு வண்டி பூட்டப் போறேன் சந்தைக்குப் போக வாரீயளா? நெல் அரைச்சு அரிசி ஆக்கோணும் ஆலைக்குப் போறேன் வாரீயளா? டெண்ட் கொட்டா சினிமாக்குப் போறேன் படம் பாக்க வாரீயளா? சுடு காட்டுல பேய் இருக்காம் என் துணைக்கு வாரீயளா? மலை மேலே தேக்கஞ் செடி கட்டி வர வாரீயளா? பன மரத்து நுங்கு வெட்டி ருசிச்சு சாப்பிட வாரீயளா ? ஏரியிலே மீன் பிடிச்சு நாளாச்சு மத்யானம் போலாம் வாரீயளா? மாந்தோப்பு கயித்துக் கட்டில் தூக்கம் சுகமா இருக்கும் வாரீயளா? S