எதிரே சில கோமாளிகள்

கோமாளிகள் நிறைந்த உலகமடா நண்பா ஏமாளிகள் மக்கள் என்பதும் உண்மை மயக்க நிலையில் மந்தமாய் மந்தையாய் தயக்கம் இல்லாத பொய்யின் மடியில் வியப்பாய் இவரின் பேச்சும் செயலும் நயமாய்ப் பேசும் நய வஞ்சகர் மழுங்கிய மூளை மூடச் சிந்தனை தழுவிய பாதையோ சாக்கடை ஓட்டம் எப்போது மாறுவர் என்பதே கவலை தப்பான வழியில் தவறிப் போயினர் பேசும் பேச்சில் உண்மை இல்லை காசுக்காய் செய்யும் போக்கிரித் தனம் பொறாமை ஒவ்வொரு கணமும் மனதில் பொல்லாத மனிதர் இவர்கள் குழுவாய் அடுத்தவர் வாழ்வில் நெருப்பைக் கக்குவர் அடுத்தே இருந்து குழியும் பறிப்பர் நல்ல பயிரின் நடுவே களைகளாய் நச்சு கலந்த பாலின் குணமாய் அட்டைப் பூச்சி உறியும் இரத்தமாய் அழித்தே விடுவர் அனைவரின் வாழ்வை கோமாளிகள் போலவே வித்தைகள் கற்றவர் ஏமாளிகள் இல்லை ஏமாந்து விடாதீர் வன்மம் மனதில் வக்கிரம் கூடவே ஜென்மம் ஆயிரம் எடுத்த போதிலும் புத்தியே மாறாத நரியின் கூட்டமே உத்தமர் வேடம் பொருந்தச் செய்வர் சித்தம் கலங்கிடும் சினம் மேலோங்கும் எத்தர் கூட்டம் எப்போது ஒழியும் எத்தனை காலமோ இதனைப் பொறுப்பது