கண்கள் மனதின் ஜன்னல்கள்
கண்ணீர் அதனூடே நுழையலாம்
அசைபோட ஆயிரம் காரணங்கள்
இசையோடு இழைந்து உருகலாம்
கரிய வளையங்கள் கதைகள்
சொல்வது ஒன்றோ இரண்டோ
சொல்லாத பலவும் ஒளிந்தே
சக்கரம் போன்றதே வாழ்க்கை
சீக்கிரம் சுழன்று உருளும்
அச்சாணி முறியும் வரைதான்
எச்சமாய் நினைவுகள் மிச்சம்
இரவின் அமைதியில் முத்துக்கள்
இரவலாய் கண்களின் ஓரத்தில்
மாலையாய் மாறிடும் ஒருநாள்
மாசற்ற வாழ்வெங்கு உண்டு
மாற்றம் பலமுறை காண்பாய்
கூற்றுவன் கணக்கில் முடிவாய்
காற்றுப் போனதொரு பந்தாய்
வெற்றுப் பாதையை அடைவாய்
முற்றும் என்றொரு வார்த்தை
முடிவை அறிவித்து நிற்கும்
கருத்துகள் இல்லை:
கருத்துரையிடுக