அவன் மனதிலே தோளிலே சுமந்த பாரங்கள் ஏராளம்
அவனி தந்த பாடங்கள் வாழ்வின் கோடுகள் பலவாய்
ஆண் மகனாம் அழக் கூடாதாம் சொன்னவர் யாரோ
ஆளப் பிறந்தானா அடிமை வாழ்வுக்கு வித்தான வித்தையா
சோளக் காட்டு பொம்மை போன்றே காவல் காப்பானோ
தந்தை ஆனதே தவம் என்றால் உண்மை தானோ
விந்தை வாழ்க்கை நெறி விளையாட சதுரம் வட்டமாய்
ஆதியும் அந்தமும் அறியாத தொடர் இதுதான் போலும்
மோதிய கதவுகள் சுவர்கள் எத்தனை என்பதே தெரியாது
பாரம் சுமக்க பாதைகள் நீண்ட பயணம் தொடரும்
தூரம் தெரியா ஊருக்கு விடியலி்ல் சேர்வானோ அறியோம் !
கருத்துகள் இல்லை:
கருத்துரையிடுக