மனிதனைப் பாட வேண்டுமா புகழவா போற்றவா
புனிதமாய் சிலரும் புரியாத புதிராய் பலரும்
நல்லவர் ஒருவர் உளரேல் நானிலம் செழிக்கும்
நண்பர்கள் உறவால் நன்மையே விளையும் என்றும்
வறியவர் துயர் போக்கி வளமுறச் செய்திடல்
மக்களின் தேவைகள் சிறப்புறச் செய்திடும் தலைவர்கள்
கக்கன் போன்ற கரைபடியா கரங்கள் உண்டு
கல்விச் சாலைகள் பசிபோக்க உணவும் கூட
கர்ம வீரர் என்ற பெருந் தலைவர்
கட்டிய அணைகள் காலத்தால் அழியா புகழாகும்
மனிதன் ஏனோ மிருகமாய் மாறி நின்றான்
மங்கையர் உடல் சிதைத்து உன்மத்தன் ஆனான்
தீயதும் நன்மையும் பிறர் தர வாரா
தீண்டிய பாம்பின் நச்சு உடலில் பரவும்
தேடிய செல்வம் நேர்வழி என்றால் நலமே
ஓடிய கால்கள் ஓய்ந்த நாளில் வருந்திடும்
நாடுக நல்லதே மனதில் வஞ்சகம் களைக
தேடுதல் நன்றே இருளது விலக்கி ஒளியைநாடி
கருத்துகள் இல்லை:
கருத்துரையிடுக