விடிகின்ற பொழுது விதைக்கின்ற நனவும்
முடிகின்ற இரவின் முடிச்சாய் அவிழும்
வடிகின்ற வாய்க்கால் உருவாகும் மனதில்
வடிவாகும் கவிதை பதிவாகும் ஒன்றாய்
நெடிதான வாழ்வின் பக்கம் பலவும்
படிகளைக் கடந்து உயரம் தொடவும்
பிடிப்பாய் கூடவே கைப்பிடி உண்டு
துடிப்பது நிற்கும் நாள்வரை வாழ்வு
படிப்பது என்றும் அனுபவ அறிவு
கடிதான வார்த்தை தவிர்ப்பது நன்றே
நொடிதனில் மாறிடும் மானிட வாழ்வில்
செடிகளில் பூக்கும் அழகிய மலர்போல்
வடிவம் கொள்வது வாடிக்கை ஆகட்டும்
கருத்துகள் இல்லை:
கருத்துரையிடுக