யார் செய்த கோலம்

 நீர் நிறைந்த வயலில் நெல் விளையும் காட்சி

ஊர் முழுதும் பசுமைப் போர்வை விரிந்த தோற்றம்

போர் ஒன்று களத்து மேட்டில் காளைகள் பசியாற

யார் உழைப்பு உயர்ந்தது என வினா மனதில்

ஓர் உலகம் கூட்டாட்சி ஒற்றுமை என்ற ஏக்கம்

தேர் ஓடும் வீதியில் தெருக் கூத்து இரவில்

கூர் தீட்டிய மரத்தை வெட்டிய கோடரிகள் இன்று

நேர் கோடு ஒன்று வளைந்து குறுகிப் போனது

யார் செய்த கோலம் ஏனிந்த மாற்றம் கேள்வி

போர் இன்றிப் பெற்ற சுதந்திரம் மாறிப் போனதோ

நார் ஒன்று மலரை மாலையாய் மாற்றும் அழகு

ஊர் கூடி ஒன்றாய் உழைத்து வாழ்வதே பெருமை !