பால்மணம் மாறாப் பாலகன் நடையில்
பாவாடை சட்டையில் பாப்பாவின் துள்ளலில்
பள்ளிக்குச் செல்லும் மாணாக்கர் பாதையில்
பசுஞ்சாணம் தெளித்த கிராமத்துத் தெருக்களில்
கடற்கரை மணலில் காதலர் உறவில்
கல்லூரிச் சாலையில்
மரங்களின் நிழலில்
உழுகின்ற நிலத்தில் ஏர்க்காலின் வழியில்
தொழுகின்ற ஆலயத்தின் சுற்றுப் பிரகாரத்தில்
மலர்வனப் பாதையில் பூங்காவின் வரப்பில்
மலைப் பாதையில் மகேசனைத் தொழுதலில்
திரவியம் தேடிச் சுற்றும் நாட்களில்
திடமான நடைமறந்து ஊன்றுகோல் துணையில்
வாழ்க்கை வட்டத்தில் வலம்வரும் நாட்களில்
வாடிக்கையான பாதச்சுவடுகள் தொடர்ந்திடும் நம்முடன் !
கருத்துகள் இல்லை:
கருத்துரையிடுக