சுற்றமும் நட்பும்

நன்றி நவிலுதல் நம்முடன் பிறந்தது

தொன்று தொட்டு இயற்கையை வணங்கிவந்தோம்

பஞ்சபூதம் முதலாய் பகுத்தறியா விலங்குவரை

நெஞ்சம் நிறைந்த மகிழ்வோடு மனங்குளிர

சுற்றமும் நட்பும் சூழ்ந்திருக்க ஊரெங்கும்

உற்சாகம் உளமெங்கும் பொங்கிட குரலெழுப்பி

மாட்டினை அலங்கரித்து மாலைசூடி வலம்வந்து

மாக்கோலம் தெருவெங்கும் மண்பானைப் பொங்கலோடு

கூக்குரல் எங்கும் குதூகலமாய் ஒளிக்க

கூடிநின்று வாழ்த்துகிற நன்னாளாம் இன்றெமக்கு

இறையடி சேர்ந்தார்க்கும் புதுத்துணி படைத்து

இதயத்து அவர்நினைவு நிறைந்து கண்பனித்திட

இருவேறு நினைவுகளில் இல்லங்கள் தோறும்

இறைவனைத் தொழுதிடும் இனிய நாளிதுவாம் !