அண்ட பிரமாண்ட சண்ட மாருதம்
கொண்டை முடியுடை ருத்ர தாண்டவம்
அக்னிப் பிழம்பினில் சிந்திடும் வியர்வை
உக்கிரக் கண்கள் உடுக்கை நடனம்
பரவசம் உடலில் பாதங்கள் தாளம்
இரவும் பகலாய் இயங்கும் கோலம்
ஆனந்தக் கூத்தாடும் ஆயிரமாயிரம் உள்ளம்
ஆரவாரம் ஆக்ரோஷம் ஆட்டம் அனைத்தும்
ஓம்ஓம் உச்சரிப்பு வானைப் பிளக்கும்
ஓங்கார நாதம் அண்டம் அதிரும்
சிவமே மனதில் சிந்தனை எல்லாம்
பாவம் போக்கிட பக்தி அறைகூவல்
சிவராத்திரி இன்றாம் பக்தர்கள் கோடி
சிவாலயம் எங்கும் சிறப்பு பூஜைகள்
நமச்சிவாய மந்திரம் நன்மையே நடக்கும்
நர்த்தனமாடும் நாயகன் நடராசனை வனங்குவோம் !
கருத்துகள் இல்லை:
கருத்துரையிடுக