அண்ணே சொல்லண்ணே எது பெரியது
அன்பா காதலா அரவணைப்பா கருணையா
கொடியது எதுவென்று சொல்வாயா அண்ணே
வறுமையா முதுமையா நோயா ஊனமா
கடியது எதுவென்று உரைப்பாயா அண்ணே
உழவு நெசவு உருக்காலை கடலோடுதல்
அரியது எதுவாகும் அருமை அண்ணே
செழுமை வளமை புகழ் ஈகை
நெடியது சொல்வாயா மூத்தவனே அண்ணே
மலைமுகடு கோபுரம் மூங்கில் காட்டுமரங்கள்
உரியது கேட்பின் விளம்பிடுவாயா அண்ணே
நிலம் நீர் காற்று ஆகாயம்
விதையிலிருந்து செடியா செடியிலிருந்து விதையா
எண்ணத்தின் வேகத்தை அளந்து சொல்வாயா
வாழ்க்கை விதிவசமா இல்லை மதிவசமா
விடைகள் தெரிந்த பின்னே தமையனே
அழைத்திடு ஆயிரம் பொற்காசு தருவேன் !
கருத்துகள் இல்லை:
கருத்துரையிடுக