எல்லைக்கோடு

ஓடிக் கொண்டே இருந்தேன் ஓயவில்லை

தேடிப் பொருள் நிதமும் ஓடினேன்

நாடித் துடிப்பு அடங்கும்வரை ஓடினேன்

கோடிச் செல்வம் போதவில்லை தேடினேன்

வாடிப் போகும் வரை உழைத்தேன்

வாலிபம் முடிந்து வயோதிகம் வந்தது

நிற்காமல் ஓடினேன் திசையெல்லாம் தேடினேன்

நிலையற்ற வாழ்க்கை நிகண்டுகள் சொல்லின

நிம்மதி வேண்டியே நித்திரையும் துறந்தேன்

இயற்கை ஒன்றே இருப்பதை மறந்தேன்

இறப்பும் பிறப்பும் நம்வசம் இல்லை

கண்களை மூடியே கனவில் நுழைந்தேன்

கற்பனை உலகில் தொலைதூரம் சென்றேன்

எல்லைக்கோடு எதற்கும் உண்டெனக் கண்டேன்

எதிர்கொள்ள ஆயத்தமாய் எழுந்து நின்றேன்