கானகத்துக் காட்சி

கானகத்துக் காட்சியின்று கண்ணில் தோணுது

யானையொன்று பிளிறி தன்கன்று அழைத்தது

முயலொன்று புதருக்குள்ளே ஓடி மறைந்தது

மயிலொன்று தோகை விரித்து நடனமாடியது

புலியொன்று குளத்து நீரை குடிக்க வந்தது

மானொன்று அதனைக் கண்டு மிரண்டோடியது

குரங்கொன்று மரத்தின் மீது தாவியோடியது

குயிலக்கா கூவியதன் வரவைச் சொன்னது

சிங்கராஜா கர்ஜனையில் காடே அதிர்ந்தது

பஞ்சவர்ணக் கிளியொன்று பழத்தைத் தின்றது

பாம்பைத் தேடி கீரிப்பிள்ளை பாய்ந்தோடியது

முள்ளம்பன்றி உடலைச் சிலிர்த்து உற்றுநோக்கியது

காட்டெருமை கன்றுக்கு பாலைத்தந்து புல்மேய்ந்தது

காட்சிகள் இவையாவும் கண்ணுக்குள் விரிந்தது