பெண்ணெனப் பிறந்த பேரணங்கே
தினமும் உன்நாளே இன்றுமட்டுமில்லை
கண்ணயரா முதிர்இரவுகள் தினமும்
காலை மாலை இரவு விடியல்
ஓய்வில்லா உனதுழைப்பு யார்செய்வார்
ஒருகோடி பொற்காசும் ஈடில்லை
தாயாய் சேயாய் மனைவியாய்
தாங்கிடும் அன்புக்கு இணையேது
தனதென்ற சுயநலம் உனக்கில்லை
கருவிலே தொடங்கி கல்லறைவரை
கணக்கில்லை உனதன்பின் எல்லை
காணக் கிடைக்காத மாதரசே
கண்ணிலே நீரென்றால் உனக்காகவே
நீயில்லா உலகொன்றில் வாழ்வில்லை
நித்தமும் பெண்மை போற்றுவோம்
பெண்தினமல்ல பெண்ணின் உலகம்
உன்னாலே உயிர் கண்டேன் !
கருத்துகள் இல்லை:
கருத்துரையிடுக