புரையோடிய புற்றுநோயாய் அரசியல் அமைப்பு
நல்லவர் தீண்டவே அஞ்சும் நெருப்பு
விடியலே இல்லாத நீண்ட இருளாய்
விட்டில் பூச்சிகளாய் மக்களின் மனமும்
சதுரங்க வேட்டை அரங்கேறும் அடிக்கடி
புதுப்புது இலவசங்கள் பலிகடாக்களுக்கு உணவாய்
வெட்டுப்படும் தலையில் பூச்சூடல் அலங்காரம்
வெட்கமில்லாமல் பலிபீடத்தில் ஆடுகள்
நெஞ்சு பொறுக்குதிலை பாரதி சொன்னதன்று
வெஞ்சாமரம் வீசிய கட்டிலில் வேதாளம்
கூச்சம் யாருக்குமில்லை கூனிக் கும்பிட
கூசாமல் பொய்சொல்லி ஏமாற்றும் கூட்டம்
எங்கே போகிறோம் மக்களே மயக்கமா
எழுந்திருங்கள் தூங்கிய நாட்கள் போதும்
விழிப்போடு செயல்படுங்கள் களையெடுக்கும் நேரமிது
விளைந்த கதிர்கள் நிமிர்ந்து நிற்கட்டும்
தாளடித்து நெல்மணிகள் களம் சேரட்டும்
தரமில்லா பதர்கள் காற்றினில் ஒதுங்கட்டும் !
கருத்துகள் இல்லை:
கருத்துரையிடுக