நிலமதை உழுது நீரதில் தேக்கி
நெல்மணிகள் தூவி நாற்றுவளர விட்டு
இலைதழை சாணம் உரமாய் இட்டு
நாற்றுதனைப் பிடுங்கி வரிசையாய் நட்டு
நெற்கதிராய் வளர்ந்து நெல்மணிகள் சுமந்து
கதிரறுத்து களத்தில் பதரைப் பிரித்து
காயவைத்து உலக்கையால் குத்திய புத்தரிசி பச்சரிசியாய்
களிமண்ணில் செய்த அடுப்பில் புதுப்பானையில்
பொங்கி வரும் வேளை தன்னில்
புத்தாடை அணிந்த மக்கள் கூச்சலிட்டு
பொங்கலோ பொங்கல் என்று உளம்பொங்க
கதிரவனுக்குக் கரும்பு மஞ்சளுடன்
படையலிட்டு
களித்துண்ணும் நாளிதுவாம் நம்நாட்டில்
இயற்கை அன்னைக்கு இறையன்பு உண்டென்பதால்
இந்நாளில் மகிழ்வு பொங்கட்டும் திக்கெட்டும் !
கருத்துகள் இல்லை:
கருத்துரையிடுக