இருந்திடும் காலம்தனில் இன்புற்று இருப்போமே
இல்லையே நட்பினும் பெரிதொன்று இவ்வுலகினில்
கற்பதும் கேட்பதும் கல்வியாய்க் கொள்வோமே
நிற்பதும் நிலைப்பதும் அன்பெனும் ஒன்றேயாகும்
பற்பல வேற்றுமை பாரினில் உண்டுதானே
பாசத்தின் கயிற்றாலே கட்டிட இயலும்தானே
என்னிலும் உன்னிலும் எதுவுமே நிரந்தரமில்லை
ஏனிந்த விளையாட்டு நமக்குள்ளே அறிவோமா
உணர்வுகள் மேலோங்கி உன்மத்தம் சிலநேரம்
உண்மை உறவுகள் துறப்பதும் முறையாமோ
கொள்கைகள் மனதினில் கோடிகள் இருக்கலாம்
கொட்டிடு அவைகளை தூய்மையாக்கு மனவெளி!
கருத்துகள் இல்லை:
கருத்துரையிடுக