நாட்காட்டியின் கடைசித்தாளை கிழித்தபோது
நாமும் கடந்த ஆண்டுகள் நினைவில்
நன்றி சொல்ல வார்த்தைகள் அறியேன்
இயற்கை முதல் இறைவன் வரையிலும்
இன்னல் நீங்கி இன்பம் வரையிலும்
உற்றவள் மற்றும் உறவுகள் அனைத்தும்
பெற்றவர் மற்றும் பேணிக் காத்தவர்
நட்புக்கு என்றும் இல்லை எல்லை
நல்லாசிரியர் நம்மோடு பணிபுரிந்த நல்லோர்
நாலும் கற்பித்த நல்ல நூல்கள்
நானில மக்கள் நாடுதோறும் நண்பர்கள்
நிமடங்கள் மணிகளாய் நாட்களாய் ஆண்டுகளாய்
நிதம் நிதம் வாழ்ந்த வாழ்க்கை
அனைத்தும் வணங்கி அடுத்து வரும்நாட்களில்
அன்போடு அரவணைக்கும் ஆற்றல் வேண்டும்
இன்றோ நாளையோ கூற்றுவன் கணக்கில்
இன்புற்றிருக்க மட்டுமே இனிவரும் நாட்கள் !
கருத்துகள் இல்லை:
கருத்துரையிடுக